Sunday, October 12, 2008

စားပွဲထိုးလေးရဲ့ သူငယ်ချင်း(၄)



ဆရာမခေါ်လာသော ကျောင်းအုပ်ကြီးအခန်းထဲဝင်လာသောအခါ ကျောင်းသူကျောင်းသားတွေ ဘေးကိုရှဲကုန်သည်။
မျက်နှာမာကြီးနှင့်ခါးကြီးထောက်ပြီး....မင်းဘယ်ကလဲ ဟုမေးလာသည်။
ဧည့်သည်တစ်ယောက်ပါ ဒီမြို့ ကို ရောက်လာရင်းပန်းချီပြိုင်ပွဲတွေ့ လို့ ဝင်ပြိုင်တာပါလို့ ပြောတော့ ဘာမှ မပြောဘဲ သူ့ တပည့်တွေရဲ့ ပုံကို လိုက်ကြည့်နေသည်.။ ပြီးမှ တစ်ခေါက်လာပြီး ......
“ မင်းဘယ်မှာ နေတာလဲ”
“ ဒီကသာမှာပြောတာလား ဆရာကြီး”
“ ဟ...ကသာရောက်နေမှတော့ ကသာမှာနေတာကို ပြောတာပေါ့ကွာ”
“ ကျနော် ဘယ်မှာနေရမလဲဆိုတာ ကျနော်လဲမသိပါဘူး...ကျနော်အလုပ်တစ်ခု ရှာ၇မှာပါ”
ကိုယ်က ပြန်သာ ဖြေနေရတာ စိတ်ထဲမှာတော့ နဲနဲလန့် နေသည်....။
ဆရာကြီးက အခန်းရှိလူများကို ဝေ့ကြည့်ပြီး ကျနော့်ဘက်ကိုလှည့်ကာ အသံမာမာ၊ အသံကျယ်ကျယ်နဲ့ ပြောသည်..
“ မင်းဘာသာ ဘယ်မှာဘဲနေနေကွာ...နောက်၃ရက်ကြာရင်ဆုပေးပွဲရှိတယ်...မင်းဘဲ ပထမဆုကိုလာယူ ကြားလား”
ဆရာကြီး ဘာများပြောမလဲအထင်ဖြင့် နားစွင့်နေသူအားလုံး တစ်ချက်တော့ကြောင်ပြီးတိတ်ဆိတ်သွားတာ....
နောက်မှ ဆရာကြီးက ကျနော့်ပုခုံးကိုကိုင်ကာ......“ မင်းတော်တယ်ကွ” ဟုပြောပြီးထွက်သွားတော့သည်...။
စိတ်မှာ အရမ်းဝမ်းသာသွားသည်...။ဒါပေမယ့် ဒါပြိုင်ပွဲစည်းကမ်းအရ မဖြစ်သင့်ပါ၊ ဆရာကြီးကဆုကိုတစ်ကယ်ပေးချင်ပါစေဦး ကျန်သောရေးဆွဲသူတွေကိုငဲ့ရပါမည်။ အားနာစိတ်ဖြင့် ပြိုင်ပွဲဝင်တွေကို ကျနော် မကြည့်ရဲပါ......။
ဆရာကြီးကို လန့် သည့် အရှိန်နဲ့ ဘေးမှာ ကွယ်ရပ်နေသော ခင်မ ကပြေးလာပြီး လက်မောင်းကို အားရပါးရရိုက်ကာ...
“ နင် တစ်ကယ် ပထမဆု ချိတ်သွားပြီ...တို့ ဆရာကြီးတစ်ကယ်ပြောတာဟ...ဆရာကြီးကအဲလိုကြီး”
သူမပြောတဲ့ ဆရာကြီးကအဲလိုကြီးဆိုတာ ...နားမလည်ပေမယ့် ပြိုင်ပွဲခန်းထဲက၂ယောက်အတူ ထွက်လာခဲ့သည်...
ကျောင်းသူလေးတွေ ရောက်လာပြီး အတင်းအော်တိုရေးခိုင်းသည်...ခင်မင်ဘို့ လဲ ကောင်းပါသည်...။
နောက်သူတို့ စကားသံဝဲ၀ဲလေးတွေကို ချစ်သည်....အထက်ပိုင်းကလူတွေ စကားဝဲကြပေမယ့် ကသာစကားဝဲပုံက တစ်မျိုးထူးခြားသည်။
သူငယ်ချင်းခင်မကတော်တော်ခင်ဘို့ ကောင်းပါသည်။သူ့ ပုံစံက ဆံပင်ဂုတ်ဝဲလေးနှင့် ၊သွားလေးက ခေါယောင်ယောင်...ဒါပေမယ့်သိပ်မသိသာပါ..အဲ မျက်လုံက မို့ ပြီး နဲနဲပြူးတယ်...( စိတ်မဆိုးနဲ့ ခင်မရေ...ဒါမှနင့်ကိုပုံဖမ်းမိကြမှာ)။ ဒါတွေက အရေးမကြီး
သူ့ စိတ်ဓါတ်လှသည်....ကျနော်လိုချင်တာ စိတ်အလှ။နောက်ခင်မက ၉တန်းကျောင်းသူ။ ကျနော်က ၈တန်းကျောင်းသား...ရွယ်တူလြ ဖြစ်နေတော့ စကားပြောရတာ ပိုအဆင်ပြေသည်...ခဏလေးအတွင်းမှာ အရမ်းခင်သွားကြသည်..။
နောက်သတိရပြီး....“ခငမ ဟို အကိုကြီးရော ဘယ်မှာလဲဟ”
“ ဘယ်သူတုန်း”
“ ငါပုံဆွဲနေတုန်း ပြတင်းပေါက်ကနေ ပြောပေးနေတာလေ...နင်မကြားဘူးလား”
“ ဟင့်အမ်း...ငါမကြားပါဘူး...ဘာပြောလို့ လဲ”
“ ငါလိုအပ်တာလေးတွေကို သူကပြောပေးတယ်ဟ...သူ့ ကို ကျေးဇူးစကားပြောရမယ်”
“ ဟာ...အဲဒီလူကြီးက ရူးနေတာဟ...နောက်သူပန်းချီမဆွဲတတ်ပါဘူး”
“ ဟမ်..ရူးနေတာ...မဖြစ်နိုင်ပါဘူး ။သူဆွဲတတ်တယ်...သူပြောတာ အမှန်တွေပါ..ငါဘဲသိတယ်...”
“ ညီညီ..ငါက ကသာသူနော်..ဒီမြို့ မှာ မွေး၊ ဒီမြို့ မှာနေတာ...နင်က ဒီနေ့ မှ ကသာရောက်တာ၊ နင်ကဘာမှ မသိပါဘူး၊ အဲဒီလူကြီးက
တစ်ကယ်အရူး...”
ကျနော်အံ့သြမိသည်..စိတ်ထဲမှာ အရူးဆိုတာ ဘယ်လိုမှ လက်ခံလို့ မရ...ဒါပေမယ့် နောက်မှ စုံစမ်းတော့မယ်လေ...တွေ့ ကြဦးမှာပါဟု
တွေးကာ ခင်မကို ဘာမှ မပြောတော့ပါ။( တစ်ကယ်ဘဲ ကသာမှာ ၅လလောက်နေပြီး ရှာသော်လည်း မတွေ့ ခဲ့ ရပါ)
အပြင်ရောက်လာပြီးမှ ခင်မကို အလုပ်ရှာပေးနိုင်မလားမေးကြည့်ရသည်။
“ ညီညီ နင့်ကြည့်ရတာ အလုပ်ကြမ်းလုပ်နိုင်မှာ မဟုတ်ပါဘူး”
“ အေး....မွေးကတည်းက တစ်ခါမှတော့ မလုပ်ဘူးသေးပါဘူး....ဒါပေမယ့် လုပ်ရမှာပေါ့ဟာ”
“ နင်က ဘယ်လိုအလုပ် လုပ်ချင်တာလဲ”
“ ဖြစ်နိုင်ရင်တော့ ငါလက်ဘက်ရည်ဆိုင်မှာ စားပွဲထိုးတွေ ဘာတွေ လုပ်ချင်တယ်၊ ခင်မ ...ငါတနေ့ ကို လက်ဘက်ရည် ၆ခွက်လောက်သောက်မှ နေလို့ ရတာ...”
“ အေး...ဒါဆို အတော်ဘဲ ငါ့အသိတစ်ယောက်လက်ဘက်ရည်ဆိုင်ရှိတယ်ဟ...တို့ သွားရအောင်”
“ အေး...ကောင်းတယ်”
နှစ်ယောက်သား စက်ဘီးလေးတွန်းကာလမ်းလျှောက်ရင်း သူပြောတဲ့ ဆိုင်ကိုရောက်လာသည်...ဆိုင်ကတရုပ်ဆိုင်။ အဘိုးကြီးတစ်ယောက်ထိုင်နေတာကို ခင်မကနုတ်ဆက်ပြီး “ အိတေ” ရှိလားဟုမေးသည်...။အဘိုးကြီးခေါ်လိုက်ပြီး ခဏနေတော့
အိတေဆိုသူ ထွက်လာပြီး ခင်မနှင့် နုတ်ဆက်ပြောဆိုနေကြသည်။ လူက တရုပ်လဲဖြစ်သောကြောင့် ဖြူနုနေသည်..
ခင်မက အလုပ်လိုက်ရှာနေကြောင်း ပြောပြီး ကျနော့်ကို မိတ်ဆက်ပေးတော့.....
“ ဟယ်...စားပွဲထိုးလုပ်မယ်..တစ်ကယ် ၊ ချောလိုက်တာဟယ်..ခင်မ ငါသူ့ ကို ခေါ်ထားလိုက်မယ်...တစ်သက်လုံးနေလဲရတယ်”
သွားပြီ၊ ကိုအိတေက မိန်းကလေးစိတ်ဝင်နေတာ....
ကိုအိတေ မတွေ့ အောင် စားပွဲအောက်ကနေခင်မကို ဆွဲဆိတ်တော့လဲ....မုန့် တွေကို အသေအလဲတွယ်နေရင်းက....
မျက်လုံးပြူးကြီးဖြင့် ဘာလဲဟူသော အဓိပ္ပါယ်နှင့်ပြန်ကြည့်နေသည်...
ပြီးမှ ဘယ်လိုတွေးသလဲတော့မသိ ကောက်ခါငင်ကာဖြင့် ထမေးသည်။။
“ လခဘယ်လောက်ပေးမှာလဲ”
ဟိုက ပြုံးလျှက် .....“ ၁၅၀၀”
“ ဟာ...တစ်ကယ်။။ညီညီ နင်တော့ပွပြီ၊ အများကြီးဘဲ”
ကျနော်တော်တော် တိုသွားပြီး ခင်မခြေထောက်ကို ဆောင့်နင်းလိုက်ပြီး....မျက်စောင်းထိုးကြည့်သည်။။။အမယ် မယ်မင်းကြီးမက
ကိုယ့်ကိုတောင် ခေါင်းလေးငြိမ့်ပြီး ပြုံးပြနေသေးသည်...။မျက်လုံးပြူးကြီးနှင့်။
နောက်မှ ကျနော်က...
“ဒီမှာတော့ မဖြစ်နိုင်ဘူး ထင်တယ်...”
“ ဟယ်......ဘာဖြစ်လို့ လဲ”
“ ကျနော်က မွတ်ဆလင်ပါ....ဒီမှာ ထမင်းစားရင် ကျနော် အပြစ်ရှိတယ်”
“ အို....အိုးခွဲပြီး ၂ယောက်စာ ချက်စားမယ်လေ”
ပြောနေတုန်း လက်ဘက်ရည် သောက်သူလာသဖြင့် ကိုအိတေ ထွက်သွားမှ...
“ ခင်မ ...ငါဒီမှာ မလုပ်ချင်ဘူး...သူက မိန်းကလေးစိတ်ပေါက်နေတာ...ငါ့ကို တစ်ခြားသွားပို့ ပါဟာ”
“နင်ကလဲ...ဘာဖြစ်လို့ လဲ”
အော်ခင်မရယ်...နင့်ကိုပြောရမှာ ခက်လိုက်တာ.....။
နောက်မှ အတွေးတစ်ခုရပြီး...တခြားမွတ်ဆလင်ဆိုင်တစ်ခု ငါတွေ့ ခဲ့ တယ်....နေ့ ခင်းကတောင် ..ငါသောက်ခဲ့ သေးတယ်...”
“ အော်...အေး..စတားလိုက်...နေဦး အိတေကို ငါပြောကြည့်မယ်”
ခဏနေ ကိုအိတေ ပြန်ရောက်လာတော့ ခင်မက ဘာသာရေးကို အကြောင်းပြပြီး....ဒီမှာ ခက်ခနြိုင်ကြောင်း ပြောပြသည်....။
နောက်ဆုံးတော့ ကိုအိတေ ကိုယ်တိုင် လိုက်ပြောပေးပါသည်...။
သူတို့ တွေက စီးပွားချင်းတူပေမယ့် ခင်ခင်မင်မင်ပါ..။
ကိုအိတေက ဘာမှလဲ မသိဘဲ အရမ်းကို ကျနော့်ဘက်က အာမခံနေသည်....။
ဆိုင်ရှင် အဘိုးကြီးအိပ်နေသည်...စားပွဲထိုးကလဲ ရှိပြီးနေသည်ဟုပြောသည်...ကျနော်လဲ ဘာမှ မတတ်နိုင်တော့ပါ။
ကိုအိတေဆီ သွားရဘို့ သာ ရှိတော့သည်။
အားလုံဆုံးဖြတ်ရခက်နေစဉ်မှာပင် ပိုင်ရှင် အဒေါ်ကြီးဈေးဝယ်ရာမှပြန်ရောက်လာသည်။
အကျိုးအကြောင်းကို ခင်မနှင့် ကိုအိတေက ပြောပြတော့ ဆိုင်ရှင် အမား( အမေ....နာမည်မေ့ နေသည်)က...
သူခေါ်ထားလိုက်မယ်ဟုပြောတော့ အရမ်းဝမ်းသာမိသည်....။
လခအကြောင်းကိုအိတေက ပြောတော့....
“ ဒီမှာ စအလုပ်လုပ်သူတိုင်းကို ၇၀ ကျပ်ပေးတယ်...ထမင်းညမနက်ကျွေးတယ်၊ အိပ်စရာနေရာပေးတယ်၊ ဒါပေမယ့် မင်းကို
ငါစအလုပ်လုပ်တာနဲ့ တစ်လ ၁၀၀ ပေးမယ်...ငါ့ကိုတော့ မင်းနာမည် မခေါ်ရဘူး အမား( အမေ) လို့ ခေါ်၇မယ်”
ဘုရားရေ.......။

နောက်ဆုံးပိုင်း ဆက်ပါမယ်....အားပေးသူတွေကို အရမ်းကျေးဇူးတင်ပါတယ်ဗျာ။

6 comments:

ဗေဒါရီ said...

(၃) နဲ့ (၄) ကို ဒီကနေ့မှ တခါတည်း ထိုင်ဖတ်လိုက်ပါတယ်။ အဆုံးသတ်လဲ ဖတ်ချင်လှပြီ။ ခင်မက သဘောကောင်းတယ်နော်။ ကိုအိတေက ပိုတောင် သဘောကောင်းသေးး)
တခု အကြံပေးပါရစေရှင့်။
စာတွေကို justify လုပ်ပြီး စာပိုဒ်ခွဲတဲ့အခါ တကြောင်းခြားရင် ပိုပြီး ကြည့်ရတာ အဆင်ပြေမလားလို့ပါ။

စူး said...

အမြန်.. အမြန်...

ခက်တော့နေပါပီ..။

ကို သစ်နက်ဆူး အလုပ်တွေတောင် ကူပိး လုပ်ပေးချင်လာပီ။
စာမြန်မြန်ဖတ်ချင်လို့

ကောင်းကင်ကို said...

နောက်ဆုံးပိုင်းကို မျှော်နေတယ်ဗျ။

... said...

အကို ခင်မ က ချစ်စရာလေး...
ဆက်သိမ်းကိုစောင့်နေတယ်နော်

ဂျစ်တူး - gyit_tu said...

အကိုဆူးရေ .. အမေတယောက် ကောက်ရပြန်ပြီပေါ့း) ဇာတ်ရှိန်တက်လာပီ ။

Moe Cho Thinn said...

ဒီစားပွဲထိုးလေးရဲ့ သူငယ်ချင်းက ကူညီလိုက်တာ အဆုံးထိပါပဲလား။ တခုပဲ..ကိုအိတေလက်ထဲ ထိုးအပ်တော့မလို ဖြစ်တာလေး တခုပဲ။ :))တော်သေးတာပေါ့။ သက်ပြင်းချပြီး ဖတ်သွားတယ်။
အမား ကယ်ပေလို့.. :D