Sunday, February 20, 2011

ဒေါင်းဝိဥာဉ်

ကျနော်က အနုပညာလောကဘက်မှာ ကျင်လည်ခဲ့ တာဆိုတော့ ကိုယ်တွေ့ကြုံတာလေးနဲ့တစ်ခြားသူတွေဖန်တီးတဲ့ အနုပညာကို ယှဉ်တွေးကြည့်ရင်း အတွေးတခုပေါ်လာလို့  ဒီပို့ စ်လေးကို ရေးလိုက်ပါတယ်. 
ကျနော်တို့ မြန်မာ့ဇာတ်သဘင်လောကမှာ ဇော်က၊ ကိန္နရီ ကိန္နရာအက၊ဒေါင်းအကဆိုတာတွေ ရှိပါတယ်။
    ဇော်အက ကတော့ လူတွေနဲ့ ထူးခြားဆန်းပြားတဲ့ ဘုံဘ၀တခုက လူသားရဲ့ ခုန်ပျံကျော်လွှား၊ မြေလျှိုး
မိုးပျံတာတွေကို ဇာတ်စင်ထက်ကနေ ခန္ဒာကိုယ်ကို စတီးလ်ကြိုးနဲ့ ဆွဲပြီး ခုန်ပျံဝဲပျံ ကပြခြင်းပါ..။
     ကိန္နရီ ကိန္နရာအက၊ဒေါင်းအကဆိုတာတွေ ကတော့ ကျေးဌက်တရိစ္ဆာန်လေးတွေရဲ့ လှုပ်ရှားမှု၊
နေထိုင်ပျံသန်းမှု ဖိုမ ကျီစယ်ကြည်နူးမှုလေးတွေကို ဖော်ကြူးခြင်းပါ..။
   ဒီနေရာမှာ ပြောချင်တာက ဥပမာ ဒေါင်းအကဆိုပါစို့ ...
ဒေါင်းအကလို့ ဆိုလိုက်တာနဲ့  ၀တ်စုံက အတောင်ပံတွေပါမယ်..အမြီးတွေပါမယ်..ပြီးရင် ကိုယ်မှာ ကြိုးသွယ်ပြီး လေထဲမှာ ၀ဲပျံမယ်..ဒါထုံးစံဖြစ်နေတယ်..
     ဒါပေမယ့်ကျနော်တွေးမိတာက ဒေါင်းတကောင်ရဲ့ ဝိဥာဉ်ပါ..။
အမြီးတုမတတ်ဘူး၊ အတောင်တုမတတ်ဘူး၊ ကြိုးမဆွဲဘူး..ဒေါင်းအက ကပြပါလို့ ပြောရင် မင်းသားမင်းသမီးတွေက ပြောပါလိမ့်မယ်..ဘယ်လိုလုပ်ကရမှာလဲ...လို့ ..။ ကျနော်အပါအ၀င် အနုပညာ
လောကက အကသမားတော်တော်များများက အမြီး၊အတောင်၊ စတီးလ်ကြိုး၊ ဒေါင်းခေါင်းစွပ်.ပါမှ
ဒေါင်းတစ်ကောင်နဲ့ တူမယ်ထင်ထားတာကိုး...။
   တစ်ကယ်လိုအပ်တာက ဒေါင်းတစ်ကောင်ရဲ့ ဝိဥာဉ်ဘဲလို့ ထင်ပါတယ်..
ကတဲ့ ဒေါင်းဘဲ ဖြစ်ဖြစ်၊ခွပ်တဲ့ ဒေါင်းဘဲဖြစ်ဖြစ်( ဒေါင်းမကြီး မွေးတုန်းကတော့ ကဘို့ တစ်ကောင်၊ခွပ်ဘို့ တစ်ကောင်ဆိုပြီးမွေးတာမဟုတ်ပါဘူး....နှုတ်သီးပါလာတဲ့ အကောင်မှန်သမျှကတော့ အရေးကြုံလာရင် ဆိတ်ကြခွပ်တတ်ကြတာပါဘဲ)  ဒေါင်းတစ်ကောင်ရဲ့ မာနနဲ့ ဒေါင်းတစ်ကောင်ရဲ့ ဝိဥာဉ် ပျောက်မသွားဘို့ ဘဲ အဓိကပါ..။
      ကျနော်တို့ မြန်မာပြည်မှာလဲ ဒေါင်းတွေ အများကြီးပါ..ဒေါင်းကမွေးလာတဲ့ဒေါင်းမျိုးဆက်တွေလဲ အများကြီးပါ...အခြေအနေအရ..ဒေါင်းမြီးအတု..ဒေါင်းခေါင်းစွပ်တခုနဲ့ အတောင်ပံတွေ စတီးလ်ကြိုးတွေ
မပါဘဲ အသွင်ပြောင်းပြီး ဒေါင်းတစ်ကောင်ရဲ့ ဝိဥာဉ်ကိုဖော်ကြူးနိုင်ရင် ပိုပြီးကောင်းလာမယ်လို့ ယူဆမိပါတယ်..
   ဒါကလဲ တစ်ကယ့်ဒေါင်းမျိုးဆက်မှ ရမှာနော်..
ဒေါင်းလိုလို ဠင်းတလိုလိုဆိုရင်တော့  မလွယ်ရေးချမလွယ်ဘူး...
အောက်မှာ ဗီဒီယိုလင့်ခ်လေးတခုပါတယ်ဗျာ..ကြည့်ကြည့်ပါ...
အတောင်တု..ခေါင်းစွပ်တု..အမြီးတု.နဲ့ .ကြိုးမဆွဲတဲ့ ဒေါင်းတစ်ကောင်...။
    ကျနော်တို့ တစ်ကယ်လိုအပ်နေတာ...ညင်သာစွာနဲ့ ပြင်းထန်နေတဲ့ ဒေါင်းဝိဥာဉ်ပါ...။   ။

သစ်နက်ဆူး
ဗီဒီယိုကြည့်လို့ အဆင်မပြေရင် ဒီလင့်ခ်လေးကတဆင့်ကြည့်နိုင်ပါတယ်။
http://www.youtube.com/watch?v=LvhBwwuEGS4&feature=related 

Tuesday, February 15, 2011

တစ်ကြောင်းဆွဲမျဉ်းရဲ့ ဒိုင်ယာရီ..၆

   
 
..ဖျားတာလဲ အကြာကြီးဘဲ..။
ထမင်းမာမာလဲ စား၇တာမဟုတ်တော့ ကြက်စွတ်ပြုတ်နဲ့ ဆန်ပြုတ်နဲ့ ဘဲ စားရတာ..။ အသည်းရောင်
အသားဝါဆိုတော့ ဆီလဲ မစားရဘူးတဲ့..။
   မစားနဲ့ ဆိုလဲ မစားဘူးပေါ့လေ.။
အဲဒီအချိန်တွေကစပြီး အဖော်မဲ့ သွားသလိုတော့ ဖြစ်လာပါတယ်..ဒါပေမယ့် မောင်နှမ၀မ်းကွဲတွေက ပိုချစ်လာကြသလိုဘဲ..ပိုပြီးဂရုစိုက်လာတာက  ဟိုကွန်မြူနစ် ဦးလေးလေ..ဗိုလ်ရောင်နီ..။
ဦးလေးကတော့ ပြောပြပါတယ်..မြိုင်တို့ ပြောင်းသွားရတာ ချို့ တဲ့ လို့  သူများစေရာ ပြောင်း၇တာ....
ငြင်းလို့ မရဘူးတဲ့ ..
ဒါကြောင့်ငါ့တူလဲ ဘူဇွာလူတန်းစားတွေကို မုန်းရမယ်..ပစ္စည်းမဲ့ တွေကို ညှာတာ၇မယ်တဲ့ ...
ကိုယ်ကလဲနည်းနည်းငယ်သေးတော့ အကုန်လုံးတော့ နားမလည်ဘူး..နည်းနည်းဘဲ သိတယ်..
“ ပစ္စည်းမဲ့ တော်လှန်ရေး”ဆိုတဲ့ စကားလုံး..အင်အားတွေပါနေသလို ထင်မိတယ်..။
စိတ်လဲ ၀င်စားမိတယ်.
ဦးလေးပြောသလိုဆို ကျနော်တို့ ပါတ်ဝန်းကျင်မှာတင်..ဆင်းရဲသားတွေ အများကြီးဘဲ..။
ကျနော့်သူငယ်ချင်းမ သေးလီတို့ တောင် ရေခပ်ပြီး အိမ်တကာထည့်ပေးမှ ထမင်းနပ်မှန်တာ..။
သူတို့ နဲ့ ကတော့ ကစားဖော်တွေပေါ့..။
   ခုနင်က ပြောသလိုဘဲ ဦးလေးကားမောင်းပြန်လာချိန်တွေမှာ ဦးလေးကို လမ်းမက ထိုင်စောင့်ရင်စောင့်
ဒါမှမဟုတ် အိမ်ရှေ့ က ခုံတန်းလေးမှာ စောင့်ချင်စောင့်ပေါ့..။ ဦးလေးလာရင်ဦးလေးတို့အိမ်လိုက်သွားတာ..
အဘွားတို့ အိမ်နဲ့ က လှမ်းခေါ်ရင်တောင် ကြားတယ် ..ဟိုမှာလဲ မောင်နှမတွေ ရှိတာဘဲလေ..
ဦးလေးမှာ သား၃ယောက် သမီး ၃ယောက်ရှိတာ..အငယ်ဆုံးသမီးတောင် ကျနော့်ထက် ကြီးတယ်..။
ကျနော်က သူ့ ကို ညီမလေးလို့ ခေါ်တာ..အမှန်က သူ့ အိမ်က အကိုအမတွေက အငယ်ဆုံးမို့ ညီမလေးလို့ ခေါ်တာလေ။အဲဒါ ကိုယ်ကပါ ညီမလေးခေါ်နေတာဘဲ..။
     ဒီလိုနေယင်းကနေ ကျနော် ၄တန်းကျောင်းသားဖြစ်လာတယ်..။
မိဘတွေနဲ့ ခပ်စိမ်းစိမ်းနေပေမယ့် ဦးလေးတွေ အဒေါ်တွေနဲ့ ကတော့ ပိုရင်းနှီးလာတယ်..။
ဦးလေးရဲ့ ကွန်မြူနစ်တွေကလဲ ပိုပြီး ဟောတာတွေ လက်ကွက်စိပ်လာတယ်..။ ဦးလေးကတမျိုး သူ့ သားသမီးတွေဆို မုန့် ဘိုးတွေဘာတွေ သိပ်ပေးလေးပေးထမရှိဘူး.. ညီမလေးက မုန့် တွေဘာတွေ ညနေဘက် ရုပ်ရှင်ဈေးတန်းမှာ စားချင်ရင် ကျနော့်ကို လာပြီး မုန့် ဘိးု တောင်းဘိုတိုးတိုးတိတ်တိတ်လာပြောထားတတ်တယ်..။
   ဦးလေးပြန်လာရင်တော့...ကျနော်
“ မာမူကြီး.. ညီိညီတော့ ပစ္စည်းမဲ့ လူတန်းစားဖြစ်နေပြီနော်” လို့ ပြောလိုက်တာနဲ့ ..
“ သိပ်ရတာပေါ့..ရဲဘော်ရယ်၊ ရော့ကွာ ၅ကျပ်ယူထား..ကြိုက်တာဝယ်စား” ဆိုပြီးပေးလိုက်တာဘဲ..။
အဲလိုဆို ညီမလေးက အံ့တွေ သြနေလိုက်တာလေ..။ ဟုတ်တယ် ကျနော်တို့ ကျောင်းမုန့် ဘိုး၇တာ တနေ့ မှ တစ်မတ် ပြား၂၀လောက်ဘဲရတာလေ..။
မုန့် တွေ ၀ယ်စားနေရင်းက ညီိမလေးက ချော့မေးတတ်တယ်..
“ညီညီ ခုနက အဖေ့ကို ဘယ်လိုပြောလိုက်တာလဲ..ပိုက်ဆံ အများကြီးပေးတယ်”
“ ညီိမလေးကလဲ..ဒါ ကွန်မြူနစ်တွေချင်းဘဲ နားလည်တာဟ..ညီမလေးမသိသေးပါဘူး၊
ညီညီပြောလိုက်တာ ပစ္စည်းမဲ့ လူတန်းစားဖြစ်နေပြီလို့ ပြောလိုက်တာ”
“ အဲလိုပြောရင် မုန့် ဘိုးရတယ်ပေါ့လေ..”
“ဟုတ်”
“ငါ..ပြော၇င်ရောပေးမှာလားမသိ”
“ မနက်ဖြန်ကျ ပြောကြည့်လေ”
“ အေး”
.....
.....
ကျနော်ကွန်မြူနစ်ဆရာအလုပ်ကောင်းလို့ နောက်ရက်ကျ ညီိမလေး တုတ်နဲ့ဆော်ခံထိတာဘဲ..
ခါလာကြီးနဲ့ မာမူကြီးလဲ စကားတွေများ ရန်တွေ ဖြစ်ကုန်ရော..
ညီမလေးက ကျနော့်လိုပြောပြီးတောင်းတာကို မာမူကြီးက ရိုက်တာ..ခါလာကြီးကိုလဲ ခလေးကို မုန့် တွေ
အ၀တ်အစားတွေ ၀ယ်မကျွေးလား ၀ယ်မပေးလားဆို ပြီး မိခင်တာဝန်မကျေတာတွေရော ဘာတွေရော
ရှုပ်နေတာဘဲ..။  ဖြစ်တာက နေ့ လည်ဘက်ကြီး..သတိထားမိတာက မာမူကြီး ကားနားတဲ့ နေ့ ....။
    ခါလာကြီးက ကျနော့်ကို ညီိမလေးနဲ့ အခေါ်ခိုင်းတယ်.. ဒီစကားပြောတာချင်းအတူတူ
ညီမလေးကိုကျဘာလို့ ဆူ၇၇ိုက်ရတာလဲ သိချင်လို့ တဲ့ ..။
  ကျနော်က ညနေလောက်မှ လာမယ်..အခု အထွန်း( ဗိုလ်လင်္ကျာ)နဲ့ အရေးကြီးလို့ သွားမလို့ လို့ ပြော
လိုက်တယ်..။
    ညနေစောင်းလောက်ကျမျ မာမူကြီးဆီ ကျနော်သွားတာ..ကျနော်သိတယ်..ဒီအချိန်ဆို မာမူကြီးက
“ ဒီအချိန်ရောက်လာရင်ကွယ်..ကျနော့်စိတ်တွေ ဖောက်ဖောက်လာတယ်” သီချင်းလေးညည်းရင်း
အရက်သောက်နေပြီ။ နည်းနည်းလဲ မြူးနေလောက်ပြီ..။
   “ ခါလာကြီးးးးး  မာမူကြီး..ညီညီ လာပြီ..”
“ အံ့မလေး....လာပါတော် လာပါ..အကို့ ကိုဘဲစောင့်နေတာပါ..ထမင်းရောစားပြီးပြီလား..စားမှာလား၊
မျှစ်နဲ့ အမဲသားချက်ထားတယ်”
“ ဟန့်အန်း.. မဆာသေးဘူးခါလာကြီး”
ကျနော့်အဒေါ်က ပြုံးပြုံးရွှင်ရွှင်ပါဘဲ..
ကျနော်က မာမူကြီးပေါင်ပေါ်တက်ထိုင်ရင်း...
“ညီမလေးနဲ့ ခေါ်ခိုင်းတယ်ဆို”
“ အေး”
“ ညီညီ..ပြောရင် မုန့် ဘိုးရတယ်ဆိုလို့ နင့် တို့ ညီမလေးပြောတာ နင့်မာမူက ရိုက်တယ်..ညီညီပြောတာနဲ့ ဘာကွာလို့ လဲ”
“ ညီမလေးက ဘယ်လိုပြောလဲ”
“ ငါလဲ နင်မှာထားသလိုဘဲ ပြောတာပေါ့ဟာ..အဖေက ရိုက်တယ်”
“ ညီမလေးက ဘယ်တုန်းက ပြောတာလဲ”
“ နေ့ လည်ကလေ...”
ကျနော်ပြုံးနေတော့ ခါလာကြီးရော ကျန်တဲ့ မောင်နှမတွေရော ကျနော် ဘာပြောမလဲလို့  စောင့်နေကြတာ။
 မာမူကြီးကတော့ အရက်ကလေးမော့လိုက် ပဲလှော်လေးဝါးလိုက်နဲ့  ကျနော့်ကို မှေးကြည့်နေတာ..
 ကျနော်ပြောရခက်တာပေါ့... မာမူကြီး ရှေ့ မှာဆိုတော့..။
အကိုတွေအမတွေကလည်း ပြောပြဘို့ ဝိုင်းပြောနေကြတာ...ညီမလေးကြည့်၇တာလဲ...ပြောတာချင်းက
စကားချင်းတူပြီး ဘာများကွာလို့ ရိုက်ခံရတာလဲ တွေးနေပုံဘဲ..
  ကျနော်ကလဲ ပေနေတယ်..ပြောရခက်တာကိုး...
ခါလာကြီးက ချွေးခံအိပ်ထဲ လက်နှိုက်ပြီး..ပြန်ထုတ်လိုက်တော့ ၅ကျပ်တန်တစ်ရွက်။
“ ကဲ..ရော့..ခါလာမုန့် ဘိုးပေးမယ်..အကုန်မုန့် ဝယ်စား”
ကျနော်က ခါလာကြီးလက်ထဲက ပိုက်ဆံကို တစ်လှည့် ၊နေ့ တိုင်းရွှေဥတစ်လုံးကျ ဥပေးနေတဲ့ 
ကွန်မြူနစ်ရွှေငန်းကြီးကို တစ်လှည့်ကြည့်ရင်းခေါင်းကုတ်နေတာ..။
  ကျနော့်အခက်အခဲကို မာမူကြီးက သိနေပုံရတယ်..မျက်ရိပ်ပြလိုက်တယ်..ယူလိုက်ပေါ့..။
အားနာပေမယ့် ပိုက်ဆံ ၅ကျပ်ကို ကျနော် ယူလိုက်တယ်..ပြီးတော့ မာမူကြီးပေါင်ပေါ်က ဆင်းပြီး
ညီမလေး လက်ကို ဆွဲကိုင်ထားလိုက်တယ်..လက်ကို ညီိမလေးသိအောင်ဆုပ်ပြီး ညှစ်လိုက်တယ်။
သဘောကတော့ အသင့်ပြင်ပေါ့..။
“ အဲဒီအချိန်မှာ မပြောရဘူး”
“ အောင်မယ်လေးတော်..ဘယ်အချိန်မှာ ပြောရမလဲ ”
“ခါလာကြီးကလဲ...နောက်မှပြောမယ်”
“ ညီညီ..ခါလာပိုက်ဆံလဲ ပေးထားပြီးပြီနော်”
......
.....
“ အင်းးးမ် .. ပစ္စည်းမဲ့ လူတန်းစားတို့ ၊ကွန်မြူနစ်စကားတို့ ပြောချင်ရင်..အမ်းးး”
“ ပြောပါတော့ဟဲ့..တကတည်း”
..
“မာမူကြီးမူးနေတုန်းပြောရတယ်..အဲဒါမုန့် ဘိုး၇တယ်..”
“ဟမ်....”
 ကျနော့်စကားလဲ ဆုံးရော မာမူကြီး အံ့အားသင့်သွားတဲ့ ဟမ်  ကတော်တော်ကျယ်တယ်..
“ ညီညီ..ရဲဘော်  မင်းသစ္စာဖောက်...မင်း ဖောက်ပြန်တဲ့ လူတန်းစား...မင်းကို
 ဖြုတ်ထုတ်သတ်လမ်းစဉ်နဲ့ ဆုံးမမယ်ဟေ့” ဆိုပြီး အတင်းလိုက်ဖမ်းတော့တာဘဲ..။
မာမူကြီး ထလိုက်တာနဲ့ ကျနော်က ညီိမလေးလက်ဆွဲပြီးပြေးတာ ခြံဝတောင် ရောက်နေပြီ..
ကျနော်ပြေးမှာ ရုပ်ရှင်ဈေးတန်းပေါ့..ညီမလေးကို မုန့် ဝယ်ကျွေးရမှာလေ..
သူရိုက်ခံထိထားတာ မဟုတ်လား.း)

ဆက်ပါဦးမယ်
သစ်နက်ဆူး
( တောင်းပန်စကား။  ။ဒီပို့ စ်လေးဟာ မည်သည့်နိုင်ငံရေးသမားကိုမျှစော်ကားလိုစိတ်မရှိပါ..အထူးသဖြင့်
ကွန်မြူနစ်ရဲဘော်များကို စော်ကားခြင်းမဟုတ်ပါ..ကျနော်တို့ တူဝရီးရဲ့ ချစ်ခင်စရာကျီစယ်မှုကိုသာ သတိတယ လွမ်းဆွတ်ဖော်ကြူးခြင်းဖြစ်ပါသည်)

Friday, January 7, 2011

ရင်တွင်းကြေ...(တစ်ကြောင်းဆွဲမျဉ်း ၊ ၃ ၊)



သံယောဇဉ်တွယ်ခြင်းသည်..ဘယ်အရာပေါ်မှာ မှီတွယ်ခဲ့ လေသလဲ မေး၇င် ကြင်နာသောရင်ခွင်ကို
ငြိတွယ်ခြင်းလို့ ဘဲ ကိုယ် အဖြေပေးမိပါမည်။ ကိုယ့်အပေါ်ကြင်နာတတ်သောအဘွားတို့ ရင်ခွင်မှာ ကိုယ်ပျော်ခဲ
့ရတယ်..။ ပီဘိ ကလေးတစ်ယောက်ရဲ့ စိတ်တွေနဲ့ ကိုယ်နေနေရခြင်းဟာ ကိုယ့်အတွက် အေးချမ်းမှုပါဘဲ..။
မမအိမ်ထောင်ကျပြီးတဲ့ နောက် မမအမျိုးသား ကိုဆွေကလည်း ကျနော့်ကို ချစ်တယ်..။ သားတစ်ယောက်
လိုကို ချစ်တာပါ.။ ကိုဆွေက အခွန်ဦးစီးဌာနကဆိုတော့ မမအတွက်က ဘာအလုပ်မှ မလုပ်ရဘဲ အေးအေးဆေး
ဆေး နေရတာပါ..။ ကိုဆွေ ရုံးတာဝန်နဲ့ သဘယင်း( ဒီပဲရင်း)မှာ ပြောင်းရတော့ မမနဲ့ အတူ ကျနော်ပါသွားတယ်..။
အိမ်ကလည်း ညီညီပါမှ ရမယ်.မမနဲ့ အဖော်နေပေးဆိုတော့ ကျနော်လည်းပါသွားတာပေါ့..။
နေ့ လည်တိုင် ကိုဆွေ ရုံးသွားရင် မောင်နှမ နှစ်ယောက် အိမ်သေးသေးလေးမှာ နေရင် နေ ဒါမှမဟုတ်.......
ကိုဆွေတို့ ရုံးက အသိအိမ်ကို သွားလည်ကြတာဘဲ..။
အဲဒီသွားနေကြ အိမ်မှာ မောင်စိုးရှိတယ်..ရွယ်တူဘဲ..။ ဒါပေမယ့် မောင်စိုးက စကားမပြောတတ်ဘူး..
မွေးကတည်းက ချွတ်ယွင်းတာပေါ့..။ သူက ဆိုးမှဆိုး..သူ့ အမေပေါ်မှာ ဆိုးတာ..။
ကျနော်နဲ့ က ဆော့ဖော် ဆော့ဘက်.. ခင်မှခင်..။
စတွေ့ ကာစ အတူ ကစားတုန်းက စိတ်ညစ်မှညစ်..သူပြောတဲ့ ဘာသာဗေဒကို ကိုယ်မှ နားမလည်တာ..။
သူ့ အမေကို မေးရ၊ မမကို မေးရနဲ့ ။ နောက်တော့ တစ်ဖြည်းဖြည်း သဘောပေါက်လာတယ်..။
တခါတခါ ကိုယ်က သူ့ ကို ပြောလို့  သူနားမလည်ရင် ကိုယ်ကလဲ သူနားလည်မယ့် ဘာသာနဲ့ အီးအီး အားးးး
အမ်းအမ်း နဲ့ လက်ဟန်ခြေဟန်သုံးပြီး ပြောရင် မောင်စိုးက တခါတည်းနားလည်သွားတာ..။
ကျနော် မောင်စိုးလို လုပ်ပြောရင် မမက တခစ်ခစ်နဲ့ ရယ်နေတာဘဲ..။ မောင်စိုးအမေက ပြုံးနေတာဘဲ..။
ကျနော် တခါတလေ မောင်စိုးနဲ့ ကစားနေရင်းက အတွေးဝင်သွားရင် မျက်ရည်ကျမိတယ်.. မောင်စိုးက
စကားမတတ်ဘဲ ဆွံ့ အ ဝေဒနာရှင် ဖြစ်ပေမယ့် မိဘတွေနဲ့ အတူနေရတယ်..မိဘတွေကလည်း ချစ်တယ်..။
ကျနော်ကတော့ စကားတတ်ပေမယ့် မိဘနဲ့ အတူ မနေရခြင်း၊ မိဘရဲ့ ချစ်ခင်ခြင်းကို မရတာတွေးပြီး ငိုမိတယ်။
ကျနော်ငိုရင် မောင်စိုး မနေတတ်တော့ဘူး..၀ူးဝူးဝါးဝါးပြောပြီး ချော့တယ်..။ ပြီးရင် သူ့ မေနဲ့ မမကို
ပြေးခေါ်တယ်.. ကျနော်ငိုတာကို ညီအကိုမဟုတ်တဲ့ သူက စိတ်ပူနေတာ့ ကျနော် ပိုငိုမိတယ်..။
အဲဒီအခါ မောင်စိုးက သူ့ အမေကို ထုရိုက်ပြီး သူပါငို တာ..။
ကျနော်ငိုတော့ မမ မျက်နှာမကောင်းဘူး.. ကျနော့်ကို ရင်ခွင်ထဲ ပွေ့ ပြီး...
“ ဘာဖြစ်လို့ ငိုတာလဲ ညီညီရယ်” လို့ မေးရင်..
“ ဟို လေ..ကစားရင်းမျက်စိထဲ အမှိုက်စ ၀င်သွားလို့ ပါ” လို့ ဘဲ ကျနော် ပြောတတ်တယ်..။
ကျနော်မမကို ချစ်တယ်..မမကို စိတ်မကောင်းအောင် ကျနော် မလုပ်ချင်ဘူးလေ..။
.......
.......
ကျန်တဲ့ အချိန်တွေမှာ ပျော်ပါတယ်..နေ့ လည်တိုင်ဆိုလေ.ဌက်ပျောသီး ကောက်ညှင်းထုပ် ၀ယ်စားကြတယ်..
သဘရင်းက ကောက်ညှင်းထုပ်ကို ကျနော် ဘယ်တော့မှ မမေ့ နိုင်ဘူး..တထုပ်ကို လူကြီးတစ်ယောက်တောင်
မနည်းကုန်အောင် စားရတယ်..တစ်ထုပ်ကို ၅မူး ပေးရတယ်..။မောင်နှမ နှစ်ယောက်တစ်ထုပ်ဝယ်ပြီးအတူစား
တယ်..အထဲက ဌက်ပျောသီးကို ကျနော် မစားဘူး..ကျနော်က ဌက်ပျောသီိးတို့ သင်္ဘောသီးတို့ မှည့်ရင် မစား
တတ်ဘူး..မကြိုက်ဘူး။
ညတိုင်ဆို ကိုဆွေ ပြန်မလာသေးရင် အိမ်သေးသေးလေးမှာ မီးခွက်သေးသေးလေးနဲ့ မောင်နှမ၂ယောက်
ထိုင်စောင့်ကြတယ်..။ ကိုဆွေလာမှ ထမင်းအတူစားကြတယ်..။ ကိုဆွေ မလာသေး၇င် ကျနော်လည်း မစားဘူး။
ထမင်းစားရင် ကျနော်က မမပေါင်ပေါ်မှာထိုင်တာ..။ မမက ထမင်းခွံ့ ပေါ့..။
ပြော၇မယ်ဆို မမနဲ့ ပါတ်သက်ပြီး ကိုဆွေကလည်း ကျနော် သံယောဇဉ်တွယ်ခဲ့ရတဲ့ သူပါဘဲ...။
ဒီလို နဲ့ တစ်နှစ်လောက်နေတော့ ကိုဆွေ ရာထူးတိုးပြီး ကျနော်တို့ မြို့ ကို ပြန်နေရတာပါဘဲ..။
အဘွားတို့ အိမ်မှာဘဲ နေတာပါ..။....................
.....................
.....................
ဘယ်သူမှမသိနိုင်တဲ့ တိတ်တခိုးဝေဒနာလေးနဲ့ ဘဲ ကြီးပြင်းလာရင်း ကျနော် ဒုတိယတန်းကို တောင် ရောက်ခဲ့ 
ရတယ်..။ ကျောင်းအပ်တိုင်း ကျနော့်အဒေါ်ဖြစ်ဖြစ် အဘွားဖြစ်ဖြစ် လိုက်အပ်ပေးတာပါ..။ သူများတွေက အဖေ၊
အမေတွေနဲ့ အတူ ကျောင်းအပ်တာ ၊ ပျော်နေကြတာ ကျနော် ကြည့်မိပါတယ်..။
ဒါပေမယ့် ကျနော် အဘွားတို့ ကိုတော့ ဘာမှမပြောပါဘူး..။ အိမ်ပြန်ရောက်ရင် ကျောက်သင်ပုန်းမှာဖြစ်ဖြစ်၊
စာရွက်ပေါ်မှာဖြစ်ဖြစ် အဖေနဲ့ အမေ တဖက်ဆီလက်ဆွဲပြီး ကျောင်းလွယ်အိပ်လေးနဲ့ ကောင်လေးတစ်ယောက်ပုံကို
ကျနော် ဆွဲဖြစ်တာပါဘဲ..။ ကျောက်သင်ပုန်းမှာ ဆွဲပြီးရင် အထွေအထူး..တံထွေးဆွတ်ပြီးတောင် မဖျက်ရပါဘူး.။
ကျနော် မျက်၇ည်တွေကဘဲ တဖြည်းဖြည်း ဖျက်ပြီးသား ဖြစ်သွားတာပါ..။
.....
.....
ကျနော် အဘွားတို့ အိမ်မှာနေပေမယ့် ကျနော့်မိဘတွေ မောင်နှမတွေက အဘွားတို့ အိမ်ကို လာလည်ကြပါတယ်..
ညဘက်တွေမှာပေါ့.. ကျနော့်ကို တော့ သိပ်လှိုက်လှိုက်လှဲလှဲမရှိပါဘူး..။
မောင်နှမတွေကလည်း မခေါ်ကြပါဘူး။ အဘွားတို့ အိမ်က ၄ပေမီးချောင်းက လင်းထိန်နေပေမယ့် ကျနော်ကတော့
၈ပါတ်လည်တိုင်လုံးကြီးရဲ့ နောက်ကွယ် အမှောင်၇ိပ်လေးကနေ ချောင်းဘဲ ကြည့်ရဲတယ်..။
ကျနော့်အဒေါ်တွေက “ဟဲ့ ..ညီညီိလေး ဒီမှာလာထိုင်လေ”လို့ ခေါ်ရင်...
“ဒီိကောင် ဘာလုပ်နေလဲ..ဟေ့ကောင်လာဦးး မင်း စာမကျက်ဘူးလား” ဘာညာ ဆူတာပါဘဲ..။
အဲဒီကျရင် မမရဲ့ အမေ ဒေါ်ရီက..
“ နင် လာလည်တာ ညီညီ့ ကို ရန်ရှာဘို့ လား..သွားကောင်လေး..မီးဖိုထဲကို ”လို့ ဝင်ပြောတတ်တယ်..။
ဒါဆို ကျနော့်ဒုတိယအမေက ကျနော့်ကို မီးဖိုဆောင်ဆီ ခေါ်သွားပြီး မုန့် တွေ ဘာတွေ ကျွေးပါတယ်..။
ကျနော် ငို ရင် “ မင်းငိုစရာမလို ဘူး..ငါတစ်ယောက်လုံးရှိတယ်၊ မင်း ယောင်္ကျားလေး” လို့ ပြောတတ်တယ်..။
ဘာကြောင့်များ ကျနော့်ကို ကြည့်မ၇တာလဲ ကျနော် မတွေးတတ်တော့ပါဘူး..။
နောက်ဆို သူတို့ လာလည်ရင် ခြံဝက အသံကြားတာနဲ့ ကျနော် မီးဖိုဆောင်ထဲမှာ တိတ်တိတ်လေး ထိုင်နေတော့
တာပါဘဲ.။
ဘယ်လောက်ဘဲ လွတ်အောင်ရှောင်ရှောင် ကျနော့်အတွက်တော့ ကံကြမ္မာက မျက်နှာသာမပေးခဲ့ ပါဘူး။
ဆောင်းတွင်းကာလမှာ ကျနော့်အဒေါ် ဒေါ်ဘူး ခြေအိပ်လှလှလေးဝယ်ပေးတယ်..။ ကျနော့်အဒေါ်ကို ကျနော်က
အဘူ လို့ ခေါ်ပါတယ်..။ အဘူဝယ်ပေးတဲ့ ခြေအိပ်လေးကို ကျနော် ကြိုက်ပါတယ်.....။ ခြေအိပ်လေးက
တော်တော် လှပါတယ်..။
အနီရောင်လေးတွေနဲ့ ပန်းရောင်လေးတွေ အ၀ါလေးတွေ အရစ်ရစ်နဲ့ စပ်ထားတာပါ..။
တနေ့  ခြေအိပ်လေးလျှော်ပြီး လှမ်ထားရင်း ပျောက်သွားပါတယ်.။
ဘယ်က ဘယ်လို ပျောက်သွားမှန်းကျနော် မသိပါဘူး..တစ်ခြားခြေအိပ်တွေ ရှိနေတော့ ရှာမနေတော့ပါဘူး.။
ဒါပေမယ့် ကျောင်းတက်တဲ့ အခါ ကျနော့်အထက်က အကို ဒီခြေအိပ်လေးဝတ်ထားတာတွေ့့ပါတယ်။
အဘူက စက်လဲ ချုပ်တတ်တော့ ကျနော့်အကျီလေးတွေ ၊ဘောင်းဘီလေးတွေ ခြေအိပ်လေးတွေကအစ
ချည်အရောင်လေးနဲ့ အမှတ်အသားလုပ်ပေးထားပါတယ်။ ကျနော် ခြေအိပ်လေးကို တစ်ချက်ကြည့်မိပါတယ်..။
ကျနော့်အကို ကလဲ ခြေအိပ်ကို ကျနော် ကြည့်မှန်းသိပါတယ်..။ ကျနော် တခွန်းမှ မပြောပါဘူ..။ ပြောလို့ လဲမရဲပါ။
သူက အဖေ့ အချစ်တော်ပါ..။ သူလိုချင်လို့ ဖြစ်မှာပါလေ လို့ ဘဲ တွေးမိပါတယ်..။
ကျနော်ဘာမှ မပြောမိပေမယ့် ပြသနာက မပြီးပါဘူး..ကျနော့် အဘူကိုတောင်ပြန်မပြောပါဘူး..။ အဘူသိရင်
ကျနော်အကို ဆီက ပြန်တောင်းနေမှာစိုးလို့့ပါ။
၂ရက်လောက်နေတော့ ကျနော် ညစာ ထမင်းစားနေတုန်း.
“ ဘယ်မလဲ ဟို ရှိုက်တာန်( မကောင်းဆိုးဝါး) ဆို တဲ့ ကြောက်လန့် ဖွယ် အဖေ့အသံကို ကြားရပါတယ်..။
ဘာလုပ်မလို့ လဲ ညီညီထမင်းစားနေတယ်လို့ အဘူပြောသံကြားတာနဲ့  ကျနော့်ကို ရည်ရွယ်တာ သေချာသိလိုက်
်ပြီး ထမင်းစားရင်း တစ်ကိုယ်လုံးတုန်ထွက်သွားတာပါဘဲ။
“ နင်ဘာမှ ၀င်မပြောနဲ့ မဘူ...ခေါ်ထုတ်စမ်း အဲဒီိကောင်ကို ”
ကျနော့် အဘွားနဲ့ အဒေါ်တွေ ၀င်တားနေတာကို တောင် မ၇ပါဘူး...။
“ ဟေ့ကောင် ညီညီိ မင်းထွက်လာစမ်း” တဲ့ ။ ကျနော်မနေရဲပါဘူး ထမင်းစားလက်စ လက်တောင် မဆေးရဘဲ
အပြင်ကို ထွက်လာတော့ အဖေနဲ့ ကျနော့်အကို ကို တွေ့ ပါတယ်..
ကျနော့်ကို တွေ့ တာနဲ့ လည်ဂုတ်ကို ဆောင့်ဆွဲပြီး..
“ မင်းကလား ငါ့သားကို ခြေအိပ်သူခိုးလို့ ပြောတာ” ဆို တဲ့ စကားနဲ့ အတူ
ကျနော့်လက်နှစ်ဘက်ကို ကနောက်ကနေလိမ်ချုပ်လိုက်တယ်..။
ကျနော် မပြောပါဘူးလို့ ပြောလဲ မ၇ပါဘူး..။
ကျနော့်အဖေ ပြောတဲ့ စကားသံကို ကြားလိုက်တဲ့ ခဏ ကျနော် အံ့သြသွားမိပါတယ်..
“ ကဲ..ဗေတာ(သား) မင်းကို သူခိုးလို့ ပြောတဲ့ ကောင်ကို မင်းစိတ်တိုင်းကျထိုးစမ်း”တဲ့ ..။
..... ဒါ..ကျနော်အဖေပြောလိုက်တဲ့ စကားလား....
ဒါ..ကျနော်အဖေပြောလိုက်တဲ့ စကားလား
ဒါ..ကျနော်အဖေပြောလိုက်တဲ့ စကားလား.................။
ဘယ်နှစ်ချက်မှန်း မေ၇တွက်နိုင်အောင် ကျနော့်မျက်နှာကို လက်သီးချက်တွေ ကျနေခဲ့ တယ်..ကျနော် ၀မ်းဗိုက်
ရင်ဘတ်နေရာအနှံ့ ပါ..။
အကိုရယ် ..မင်းထိုးနေတာ မင်းညီိအရင်းပါ..
မင်းနဲ့ အမေတစ်ယောက်ထဲ မွေးတားတဲ့ သူပါ..။
အကို့ မျက်နှာကို ကျနော် နားမလည်နိုင်တဲ့ စိတ် ၀မ်းနည်းစိတ်နဲ့ ကြည့်မိပါတယ်..။
ကျနော့်နှစ်ခမ်းကွဲသွားတာ ကျနော်သိတယ်..။
ပါးစပ်ထဲက ငံကျိကျိအရသာကို ကျနော်သိပါတယ်..။ တရစပ် သူစိတ်တိုင်းကျထိုးလို့ ဝမှ“ ရပြီ ..အပါ” လို့ 
သူပြောလိုက်တာနဲ့ အတူ၊ ကျနော့် ကို နောက်ကနေ ဆောင်းတွန်းရင်းလွှတ်လိုက်ပါတယ်..။
ပျံ့ ကျဲနေတဲ့ သဲပုံပေါ်မှာ ကျနော် လဲ ကျခဲ့ တယ်...။
အဘွားငို သံ၊ အဒေါ်တွေ အော်ဟစ်တားဆီးသံ၊ မမငို သံတွေ၊ ကိုဆွေ ၀င်လာတာ..။ဘေးအိမ်က ကိုမန်း
ဝင်ဆွဲတာတွေ ကျနော် ကြားပြီးနောက်..သူတို့ ပြန်သွားကြတယ်..။
ကျနော်ငိုရှိုက်ခဲ့ တာ တက်မတတ်ပါ.. ကျနော် ကြေကွဲခဲ့ တယ်..နာကျင်ခဲ့ တယ်..။
အဘွားတွေ အဒေါ်တွေက ကျနော့်ကို ကြပ်ထုတ်ထိုးပေးတယ်..။သွေးတွေ သုတ်ပေးတယ်..။
ဒီပြသနာ ဘယ်ကစလဲ ဆိုတော့ သူခြေအိပ်ဝတ်ထားတာကို အဘူကတွေ့ တော့ “ညီညီ့ ခြေအိပ်လေးလားဟဲ့ ”
လို့ မနေ့ က မေးမိတယ်လို့ ပြန်ပြောပြတယ်.. သူမေးမိလို့ ကျနော့်ကို ဒီလို လုပ်တာဆို ပြီး အဘူလဲ ငိုတယ်။
အဲဒီညက အဘွားတို့ တအိမ်လုံး မီးစောစောပိတ်ပြီး အိပ်ယာဝင်ကြတယ်..။ ကျနော်က အဘွားနဲ့ အိပ်တာပါ...။
အိပ်ယာထဲမှာ ကြိတ်ပြီးငို ရှိုက်နေတဲ့ ကျနော့်ကို အဘွားက“ တိတ်ပါ..ငါ့မြေးရယ်”လို့ ချော့ပါတယ်..။
ကျနော် မရှိုက်မိအောင် စောင်နဲ့့ပါးစပ်ကို အတင်းပိတ်ထားခဲ မိ့ပါတယ်..။
တစ်အိမ်လုံး အိပ်လောက်ချိန်ကျမှ ကျနော် အပေါ်ထပ်ကနေ တိတ်တိတ်လေးဆင်းခဲ့ တယ်...ညဦးကလှုံထား
တဲ့  ဆောင်းတွင်းမီးဖိုလေးနားမှာ ကျိတ်ထားသမျှ ငို ကြွေးနေခဲံ့တယ်..။
လောင် ကျွမ်းနေတဲ့ မီးတွေလို လူတစ်ယောက်ဖြစ်ခဲ့ တဲ့ ငါ့ဘ၀ ပူလောင်လှပါလားလို့  ပထမဆုံးအကြိမ်
တွေးခဲ့ မိတယ်..။
တစ်ကယ်လို့ သာ ကျနော့်ကို တဦးတစ်ယောက်အလိုတော်အရက ဖန်ဆင်းခဲ့ တယ်ဆိုရင်...
ဘာကြောင့်များ ဒီလို ဘ၀ကို ၀င်စားဘို့ ဖန်ဆင်းခဲ့ တာလဲ..။
သူများနဲ့ မတူတဲ့ ဘ၀ကို ဘာကြောင့်ဖန်ဆင်းခဲ့ တာလဲ..။
ကျနော် ငယ်လို့ အများကြီိး မတွေးတတ်ပေမယ့်...
ကျနော် ငယ်ငယ်လေးနဲ့ ဆုတောင်းခဲ့ ဘူးပါတယ်..။ ဒီလို ပူလောင်ဝမ်းနည်းစရာကောင်းတဲ့ ဘ၀ကို မလိုချင်တော့
ဘူးလို့ တွေးခဲ့ တယ်...။
ရင်ထဲမှာ ကြေခဲ့ ရတဲ့ ကောင်လေးတစ်ယောက်ဟာ ဘာကြောင့်ပူလောင်တဲ့ ဘ၀မျိုးကို ဖြစ်စေတာလဲဆိုတာ
အခုချိန်မှာ သိခဲ့ရပြီလေ..။ ။

ရင်တွင်းကြေ

Monday, January 3, 2011

တစ်ကြောင်းဆွဲမျဉ်းရဲ့ ငယ်ဘ၀.....၂



ပါးမှာဒါဏ်ရာရပြီးတဲ့ နောက်ပိုင်း ကျနော့်ကို အဘွားတို့ အိမ်ကခေါ်ထားလိုက်တော့တာပါဘဲ...............။
အဘွားက အဖေ့ရဲ့ မိခင်ပါ..။နာမည်က ဒေါ်တင်တဲ့ ။ ဗုဒ္ဓဘာသာ မြန်မာစစ်စစ်ပါ၊ အဘိုးက ပါကစ္စတန်က
ဘင်္ဂါနီအနွယ်...အစ္စလာမ် ဘာသာဝင်ပါ..။ အဘွားကလည်း အစ္စလာမ်ဘာသာဝင်တွေအတိုင်းနေပါတယ်..။
အဘိုးကတော့ ဆုံးသွားပါပြီ၊ကျနော် မမှီပါဘူး..။အဘွားမှာ မောင်တစ်ယောက်ရှိတယ်..ဘိုးကြွယ်တဲ့ ။
သူကခင်ဘို့ ကောင်းသလို ရယ်ရတယ်..ခဏခဏဘုန်းကြီးဝတ်တယ်..ဗုဒ္ဓဘာသာနော်..သူဘုန်းကြီးဝတ်တိုင်း
အိမ်ရောက်လာပြီး..“ အမတင်..ကျုပ်ဘုန်းကြီးဝတ်ချင်တယ်..ရဟန်းဒကာမလုပ်ပေးပါ” လို့ ပြောတယ်..။
၁လနီးပါးလောက်ကြာရင် ဦးထုပ်လေးငိုက်စိုက်ဆောင်းပြီး ပုဆိုးလေးတမမ”နဲ့  ရောက်လာပြီး....
“ အမတင် ကျုပ်ကို မိန်းမတောင်းပေးပါဦး.” တဲ့...။ ဘယ်အချိန်က လူထွက်လိုက်မှန်းတောင်မသိရပါဘူး။
အဘွားက လိုက်တောင်းပေးတာဘဲ..။
ဟော ၂လ ၃လ ကြာရင် မျက်ရည်လေးစမ်းစမ်း စမ်းစမ်း နဲ့ ငိုကြီးချက်မနဲ့ ................
“ အမတင် ကျုပ်..ကျုပ် ဘုန်းကြီးပြန်ဝတ်တော့မယ်ဗျာ” လုပ်ပြန်ရော...။မိန်းမက ပစ်သွားတာလေ။
အမေကြီးကလဲ ထုံးစံအတိုင်း ရဟန်း ဒကာမပေါ့..။
အဲလိုမျိုး လုပ်တာ ကျနော်မှတ်မိသလောက် ၅ခါလောက်ရှိတယ်...။
ခဏခဏဆိုတော့ သူတခါလာငိုနေတုန်း ကျနော်က အမေကြီးနားမှာ ထိုင်နေရင်း ပြောမိတယ်..။
“ ဘိုးလေး...အဲလို ခဏခဏ လုပ်နေမယ့်အစား ၊ဘုန်းကြီးဝတ်နဲ့ မိန်းမယူထားပါလား” ဆိုတော့......
သူကစိတ်ဆိုးတယ်...“ မင်းကို ငါ ဘယ်တော့မှ မုန့် ဘိုး မပေးတော့ဘူးကွာ” တဲ့ ။
အဒေါ်တွေက ၀ိုင်း၇ယ်ကြတယ်...။ ကျနော်တွေးတာက ဒီလိုပါ..။အမေကြီးနေထိုင်နေရတာက မွတ်စလင်
အသိုင်းအ၀ိုင်းပါ..။ သူလုပ်နေရိုးရိုး လူတွေက အမေကြီးကို ပြောမှာပေါ့..။ ကျနော်က ငယ်ပေမယ့် နည်းနည်း
အတွေးနက်တယ်...။
အမေကြီးတို့ အိမ်မှာ နေ၇တာ ကျနော်အရမ်းပျော်တယ်..။အားလုံးကလည်း ကျနော့်ကို ချစ်တယ်..။
အမေကြီိးရဲ့ သားသမီးတွေနဲ့ မောင်တွေ တူတွေ ကြုံတုန်းပြောပြမယ်..။
အမေကြီးမှာ သားသမီး (၈)ယောက်ရှိတယ်။
၁။ ဒေါ်ရီ( ကျနော်က အမေမရီလို့ ခေါ်တယ်..ယောင်္ကျားကဆုံးသွားပြီ..သမီးတစ်ယောက်ရှိတယ်..မမမြင့်..
ကျနော် အချစ်ဆုံးအမ..........။)
၂။ ဦးဟန်...အလံနီ ကွန်မြူနစ်..သူ့ နာမည်က ဗိုလ်ရောင်နီ၊ အမျိုးသမီးက ဗုဒ္ဓဘာသာ..သားသမီး ၆ယောက်
၃။ ဒေါ်ဘူး ( ကျနော့်ရဲ့ ဒုတိယ အမေ..မျက်လုံးကအပြာရောင်နဲ့ ..အပျိုကြီး)
၎။ဦးထွန်းရွှေ...အမျိုးသမီးက ဗုဒ္ဓဘာသာ..သားသမီး ၅ယောက်
၅။ဦးထွန်းဝေ( ကျနော့်အဖေ..သားသမီး (၇)ယောက်)
၆။ ဒေါ်ပု( အရပ်က အရှည်ကြီး)အပျိုကြီး
၇။ ဦးခေါ်လီ( အလံဖြူ ကွန်မြူနစ်..လူပျိုကြီး အရက် အရမ်းသောက်)
၈။ ဒေါ်စု ( အပျိုကြီး)
အဲဒီ အမှတ်စဉ်တွေထဲမှာ ၂။၎။၅ က အိမ်ခွဲနေတယ်..။ ကျန်တဲ့ သူတွေက အမေကြီးနဲ့ နှစ်ထပ် ပျဉ်ထောင်
သွပ်မိုးအိမ်ကြီးမှာ အတူတူနေကြတယ်..။ ကျန်တဲ့ မြေးတွေ အားလုံ့းနီးပါးက နေ့ ရောညရော အမေကြီးအိမ်မှာ
လာနေကြတာဘဲ..။ ထမင်းဝင်စားချင်တဲ့ သူစား...လဘက်ရည် သောက်ချင်သူသောက် ပျော်စရာကြီးပါ..။
အမေကြီးမှာ မောင်ဝမ်းကွဲ၃ယောက်ရှိတယ်..။
ဘဒွေးအောင် သားသမီး၅ ယောက်ကလည်း ဒီအိမ်မှာဘဲ လာဆော့တာဘဲ.........................။
ကျနော်နဲ့ မတည့်တာ တစ်ယောက်မှမရှိဘဲ..ထူးထူးခြားခြား သူတို့ အားလုံက ၀ိုင်းချစ်ကြတယ်...။
အဘွားတွေ အဒေါ်တွေက လိုလေသေးမရှိအောင်ကို ချစ်ကြပါတယ်..။ မမမြင့်က အရွယ်ကွာပေမယ့် ချစ်တယ်..။
ဒေါ်ဘူးကတော့ မိခင်တစ်ယောက်လိုကို ချစ်တာပါ..။
အဲဒီ ပျော်ရွှင်မှုနဲ့ အတူ ကျနော် ၁ တန်းလောက်ရောက်လာတယ် လို့ ထင်ပါတယ်...။ ။


ကျနော်နဲ့ မြင်းညိုရှင်
ခုနက ပြောပြတဲ့ မမမြင့်ပေါ့..။ သူက အပျိုအရွယ်လေ..။
မှတ်မှတ်ယယ ဥပုဒ်ကာလပြီးဆုံးပြီးအစ္စလာမ်ဘာသာဝင်တွေရဲ့  အိဒ် နေ့ မှာပေါ့...။
လူတွေကလည်း အများကြီး လာကြစားကြ..။ ကျနော်တို့ မြို့ လေးက ဘာသာရေး သိပ်အစွန်းမရောက်ကြပါဘူး။
အိဒ်နေ့ ဆိုပေမယ့် ဗုဒ္ဓဘာသာတွေ အများကြီး လာစားကြတာဘဲ.. ပျော်စရာကောင်းတယ်..။
ကျနော် အိမ်ရှေ့ မှာ ဆော့နေတုန်း...အင်မတန် လှပတဲ့ မြင်းညိုကြီးနဲ့ လူတစ်ယောက် ရောက်လာတယ်..။
တော်တော် ခန့် တဲ့ သူဗျ..။ အသားကဖြူတယ်..အရပ်မြင့်တယ်. မုတ်ဆိတ်မွေးရိတ်ထားတာ စိမ်းနေတာဘဲ။
ပြောရရင် ကုလားကားတွေထဲက ဇာတ်လိုက်လိုဘဲ.....မြင်းကရွှေဘိုမြင်းကြီး။
“ ဟေ့....မင်းနာမည် ဘယ်သူလဲ”
“ညီညီ...လေ”
“ သြော်..ညီညီ ဆိုတာကိုး..မင်းကိုသိတယ်ကွ..မင်း မမမြင့် ရှိလား”
“ ရှိတယ် အိမ်ထဲမှာ...ခေါ်ပေး၇မလား..” သူကပြောတယ်...
“ တိုးတိုးလေးသွားခေးနော်..ဘယ်သူမှ မသိစေနဲ့ ”
ကျနော်လည်းမမကို တိုးတိုးလေးခေါ်လာတာပါဘဲ။
အိမ်ရှေ့ လဲ ရောက်ရော မမကကျနော့်ကိုဖက်နမ်းတယ်..ပိုက်ဆံတွေလည်းပေးတယ်..
“ မမသူနဲ့ သွားတော့မယ်..ညီညီကစားနေနော်..ဘယ်သူ့ မှ မပြောနဲ့ ” ဒီစာလေးနောက်မှ အမေဒေါ်ရီကို
ပေးလိုက်ဆိုပြီး စာရွက်ခေါက်လေးတခု ကျနော့်အိပ်ကပ်ထဲ ထည့်ပေးသွားတယ်။

အဲလိုပြောပြီး ဟိုလူက မမကို မြင်းပေါ်တင်ပြီး ထွက်သွားတော့တာဘဲ.......................။
လူတွေကလည်းရှုပ်နေတာဆိုတော့ ဘယ်သူမှ သတိမထားမိပါဘူး၊ညနေစောင်း လူကျဲသွားမှ အိမ်ကလူတွေ
မမကို မတွေ့ မှန်းသတိထားမိတာပါ....။ ဟိုရှာဒီိမေးပေါ့......ဘယ်လိုမှ ရှာမတွေ့ မှ ကျနော့်ဘက်လှည့်လာတာ။
အမြဲမခွဲ တစ်တွဲတွဲ နေတာက ကျနော်တို့ မောင်နှစ်မလေ..။
အမျိုးမျိုးမေး ကျနော် မပြောပါဘူး...။ နောက်ဆုံးမှ သူတို့ ကို သနားလို့ ပြောပြလိုက်တယ်..။
မမကို လူတစ်ယောက် မြင်းနဲ့ ခေါ်သွားတယ်လို့ ဒီမှာမမလည်း စာပေးခဲ့ တယ်လို့ ပြောပြီး စာရွက်ခေါက်လေး
ထုတ်ပေးလိုက်တာဘဲ..။
စာဖတ်ပြီးတော့မှ သူတို့ အကြောင်းစုံသိပြီး ငိုကြယိုကြပေါ့..။
အမေမရီက ကျနော့်ပုခုံးကိုကိုင်ပြီး ညီညီရယ် နင့်အမကိုများနင်ကိုယ်တိုင် သူများလက်ထည့်ပေးလိုက်ရလားဟယ်
ဆိုပြီး ငိုပါတယ်..။
ငိုလို့ ဝမှ “နင့်အမ အဲလိုလုပ်သွားတာ နင် တခွန်းမှ မပြောလိုက်ဘူးလားဟဲ့ ”လို့ ပြောတော့ .................
ကိုယ်ကလည်းပြောပါတယ်လို့ ပြောပြရတာပေါ့...
“ နင်ဘာပြောလိုက်လဲ”
.......
......
“ ဟဲ့ ........ပြောလေ၊ နင်ဘာပြောလိုက်လဲ”
.....
...
“ ဟိုဟာ....မမလို့ ..သေချာဖက်ထား..မြင်းပေါ်က ပြုတ်ကျလိမ့် မယ်...လို့ ”
စကားလဲ ဆုံးရော အမေမရီလက်က မြန်တာ..ကျနော့်ခေါင်းကို ခေါက်ထည့်တာ..ဂွပ် ကနဲဘဲ..။
ငိုတာချက်ခြင်းရပ်ပြီး ပါးစပ်ကလည်း တခွန်းပြောသေးတယ်..
“ တယ်...ဒီမသာလေး” တဲ့ ..။
နာသွားတဲ့ ခေါင်းလေးပွတ်ရင်း မျက်လုံးဝေ့ကြည့်လိုက်တော့ အမေကြီးနဲ့ အဒေါ်တွေက ပြုံးစိစိနဲ့ ..။
သူတို့  ရီချင်နေတာ ကျနော်သိတယ်..အမေမရီကို သူတို့ ကြောက်လို့ အသံမထွက်တာ..။

ဆက်ပါဦးမယ်
သစ်နက်ဆူး

Sunday, January 2, 2011

တစ်ကြောင်းဆွဲမျဉ်းရဲ့ ငယ်ဘ၀ ။ ၁



ကလေးတစ်ယောက်ရဲ့ အသိဥာဏ်ဘယ်အချိန်မှာစတင်သလဲဆိုတာ ဆရာဝန်တွေလောက် ကျနော်မသိပါ။
ကျနော် မှတ်မိတာက ကျနော်တို့ မောင်နှမတွေ အိမ်ရှေ့ ကွပ်ပျစ်လေးမှာ နေပူဆာ လှုံရင်း မာမီ ဈေးက ပြန်လာ
တာစောင့်တာလေးကို ကျနော် သတိယတယ်..။
တစ်ကယ်တော့ မိုးလင်းပြီိဆိုကတည်းက အိမ်မှာ ထမင်းကြော်နဲ့ လဘက်ရည်က အဆင်သင့်ပါ။
ဒါက အိမ်ကမနက်ခင်းအစာလို့ ဘဲ သတ်မှတ်ပြီး မာမီဈေးက ၀ယ်လာပေးတဲ့ မုန့် တွေကို မောင်နှမတွေ
စောင့်နေတာပါဘဲ...။
ခြံတခါးဝမှာ ဈေးဆွဲခြင်းလေးဆွဲပြီး ၀င်လာတဲ့ ပြုံးနေတဲ့ မာမီ့ကို တွေရင်...မောင်နှမတွေသံပြိုင်အော်ဟစ်ပြီး
မာမီ့ကို ၀ိုင်းဖက်ထားတတ်ကြတာ ပျော်စရာကောင်းတယ်..။
ကျနော်တို့ မှာ အားလုံးမောင်နှမ ၇ ယောက်ရှိတာလေ..ဒါပေမယ့် အဲဒီိတုန်းက ညီအငယ်ဆုံးလေး
မမွေးသေးဘူးဆိုတော့ ကျနော့်အောက်က ညီမငယ် တစ်ယောက်ဘဲ ရှိသေးတာ..။
ကျနော်က အငယ်ဆုံးလိုဖြစ်နေတာပါဘဲ..။
ကျနော်တို့ ခြံကြီးထဲမှာ အိမ်နှစ်လုံးရှိတယ် ..။ အဘိုးနဲ့  အဘွား နဲ့ သားနဲ့ သမီးက တစ်အိမ် ကျနော်တို့ 
့မိသားစုက တစ်အိမ်ပေါ့.။
မာမီဆိုတာက တဦးတည်းသောသမီး.. မာမီ့ မှာ မိခင်မရှိတော့ဘူး။ မာမီရဲ့ မိခင်က တောင်ငူရှမ်းစစ်စစ်ပါ။
အဘိုးကပါကစ္စတန်နိုင်ငံသား၊ အစ္စလာမ် ဘာသာဝင်၊ ကြူလီယာအနွယ်။
အဘိုးက တောင်ငူမှာစီးပွားရေးလုပ်ငန်းတွေအများကြီးပိုင်ပါတယ်..မာမီ့ဆီမှာ ခဏလာနေတာပါ.
ခုနကပြောတဲ့ အဘွားဆိုတာ အဘိုးရဲ့ ဒုတိယအိမ်ထောင်..ကရင်အမျိုးသမီးကြီးပါ
ဒေါ်လယ်တဲ့ ။ အရမ်း၇ိုးသားတာဘဲ ၊ကွမ်းအမြဲစားတယ်.။ ကျနော်က သူ့ ကို ချစ်တယ်..သူ့မှာက အဘိုးနဲ
့ရထားတဲ့ ရင်သွေးနှစ်ယောက်ရှိတယ်..မာမီနဲ့ ဆို အဖေတူ အမေကွဲပေါ့..။
သူတို့ ကိုကျနော်ချစ်တယ်..သနားတယ်လို့ ဘဲ ပြောပြပါစေ...။
ကျနော်ငယ်ကလေးတည်းက နည်းနည်းခွဲခြားနေတယ်လို့ ခံစား၇တယ်။ သူတို့ ခွဲခြားခံနေရတယ်ဆိုတာ ကျနော
်သိနေသလို ဖြစ်ပေမယ့် ဘာကြောင့်လဲဆိုတာ ကျနော် သေချာမသိခဲ့ပါဘူး...။
သူတို့ နာမည်တွေက မြန်မာလို ကိုထွန်းထွန်း...အစ္စလာမ်နာမည်က ဆမ်မ်ဆူသင်း...တဲ့ ။ သူ့ ညီမလေးက
မယ်ဒယာန် လို့ ဘဲ ကျနော် သိတာ။ အခုထိ အဒေါ်( အဒေါ်သာပြောတာ ကျနော့်စိတ်မှာက မောင်နှမလိုဘဲ
အခုထိစွဲနေတုန်း) ရဲ့ မြန်မာနာမည်ကိုကျနော် မသိပါဘူးး)။
ကိုဆမ်မ်ဆူသင်းက ကျနော့်ကို အရမ်းအလိုလိုက်တာ...အမြဲတမ်းလို ကျောပိုးထားတတ်တယ်..။
ညီညီ ...ဆိုတာ ပါးစပ်ကမချအောင်ကို ချစ်တာ..။
စကားတွေ ဟိုရောက်ဒီယောက်နဲ့ နော်..။
ပြောချင်တာက မာမီဈေးက ပြန်လာတိုင်း သူတို့ အတွက် ဘယ်တော့မှ မုန့် မပါလာပါဘူး..။ အဲဒီအခါမျိုးဆို
သူတို့ မောင်နှမက လှမ်းကြည့်နေတာလေ..။ သူတို့ ကြည့်တာ ကျနော်က ဘာလို့ သိလဲမေးရင်
ဘာစားစရာလေးရရ ကျနော်က သူတို့ ဘက်ကို လှမ်းကြည့်တာကိုး..။
ကျနော့်မှာ စားစရာတခုရတိုင်း သူတို့ နဲ့ အတူစားပါတယ်..။
ကျနော်တို့ ခြံက အကျယ်ကြီးဆိုတော့ နေ့ လည်ဘက်ဆိဲုခြံအနီးအနားက သူငယ်ချင်းတွေ လာကစားကြတာ
ဆူညံနေတာဘဲ..။ရွယ်တူရော ရွယ်မတူတာတွေရော..။
ကစားတဲ့ အချိန်မှာတော့ ကိုဆမ်မ်ဆူသင်းတို့ တွေလဲ ကစားကြတာပါဘဲ။
ကျနော် အသက်ဘယ်လောက်ရှိပြီဆိုတာ ကျနော် မမှတ်မိပေမယ့် ဗိုလ်အုန်းသီးစက်ဘီးလေးကို ကိုယ်တိုင်စီး
တတ်နေပြီ။
တနေ့ အိမ်မှာ အားလုံးကစားနေကြရင်း အရုပ်လေးတွေ ညှပ်ပြီး နေရာင်ထိုးလို့  ရုပ်ရှင်ပြတမ်းကစားကြတယ်..။
ဟိုတုန်းကလေ..။ တုတ်ချွန်လေးနှစ်ခုကို ၁ပေလောက်ခွာပြီးမြေမှာစိုက်ထား။ တုတ်ချောင်းလေးထိပ်မျာ
ပနယ်စလင် ပုလင်းသေးသေးလေးတွေ စွပ်..။ပြီးတော့ သားရေကွင်း ၂ကွင်းကို ဟိုဘက်ပုလင်း ဒီဘက်ပုလင်း
လှမ်းစွပ်ပြီး..သားရေကွင်း ကြားမာ ညှပ်ထားတဲ့ အရုပ်လေးတွေြှပ့်ထား ပုလင်းကို လက်နဲ့ လှည့် ..
အရုပ်လေးတွေသွားတာ..
ရှေ့ မှာ ကျောင်းသုံးဗလာစာရွက်ထောင်းထားပြီးနေရောင်ထိုးပြီး ရပ်ရှင်ပြတာပေါ့လေ။
ကြည့်မယ့်သူက ဟိုဘက် အရိပ်ထင်တဲ့ ဘက်က ကြည့်ပေါ့..။ ဒီဘက်တော့ လာမကြည့်နဲ့  စက်ခန်း...း)။
အဲလို ရုပ်ရှင်ပြဘို့ လုပ်နေကြရင်း အရုပ်လေးတွေ ညှပ်ဘို့  ကပ်ကြေး လိုလာရော။ အဲဒီိတော့ ကျနော့်ကို
ဗိုလ်လင်္ကျာကကပ်ကြေးသွားယူခိုင်းတယ်.. ။
ဗိုလ်င်္ကျာဆိုတာ သူများခေါ်ကြတာ မွေးကတည်းက ညာဘက်လက်က သိမ်သိမ်လေး မသန်ဘူး..ကျနော်က
အထွန်းလို့ ဘဲခေါ်တာ၊ ကျနော့်ထက်တော့ ၁၀နှစ်လောက်ကြီးမယ်ထင်တယ်..။ ကျနော်က ဟိုဖက်အုပ်စုဆီက
ကပ်ကြေးကို သွားယူတော့ ဟိုဘက်အုပ်စုထဲက ကျနော့်အထက်ကအကိုက လိုက်ပြီိးလုတယ်..အထွန်းက
မြန်မြန်ပြေးလာဆိုတော့ ကပ်ကြေးကိုကိုင်ရင်းပြေးလာတာပေါ့..။ ကပ်ကြေးဆိုတာ ဆေးရုံသုံ့းကပ်ကြေးနော်..
၈လက်မလောက်ရှည်ပြီး ထိပ်က ချွန်နေတာဘဲ..။
နောက်က အတင်းလိုက်တော့ အတင်းပြေးရင်းေ၇ပိုက်ခွေကြီးကို တိုက်ပြီိး ကျနော် မှောက်ရက် လဲကျတာ..။
ကျနော် ပြန်ကုန်းထချိန်မှာ အထွန်းက ထအော်တော့တာဘဲ..။
ကျနော့်လက်ထဲမှာ ကပ်ကြေးမရှိတော့ပါဘူး..။
ကြမ်းပြင်ကို ကြည့်လိုက်တော့ သွေးစက်တွေ ကျနေတာ... ကပ်ကြေးက ကျနော့် ပါးမှာ စိုက်ဝင်နေတာ
ညာဘက်ပါး အလယ်လောက်ကနေ စ၀င်သွားတာ ...အဖျားက နားအထက်ဘက်က နားထင်ထဲမှာ။
ကျနော် ငို၇မှန်းမသိဘူး ။..ကြောင်ငေးနေတာပါ..အော်သံတွေကြားမှ မာမီရောက်လာပြီး ကျနော့်ကို
ရိုက်တော့တာဘဲ..။နာလိုက်တာလို့ ကျနော် မပြောပါဘူး..။ ဒါပေမယ့် ကျနော် အသံထွက်ပြီး ငိုခဲ့ ပါတယ်..။
ကျနော် မျက်ရည်တွေ ကြားက ၀ိုးတ၀ါးမြင်လိုက်တာက ကျနော့်ကို ကြည့်ရင်း မူးမေ့လဲသွားတဲ့ အဘွားဒေါ်လယ်
..ငိုနေတဲ့ မယ်ဒယာန်..ပြုံးနေတဲ့ ကျနော့်အကို ။
ကျနော့်ကို ပွေ့ချီလိုက်တဲ့ အကိုဆမ်မ်ဆူသင်း...နောက်ဝိုင်းကြည့်နေကြတဲ့ သူငယ်ချင်းတွေ........။
အဖေရောက်လာပြိး အကျိုးအကြောင်းမေးပြီးစိတ်ဆိုးနေတဲ့ ကျနော့်အဖ..။
“ နင့်ဘာသာဖြစ်တာ....ဆေးရုံကိုနင့်ဘာသာသွား” လို့ ပြောတဲ့ မာမီ့စကားကြောင့်.။
ဗိုလ်အုန်းသီး စက်ဘီိးလေးကို ကိုယ်တိုင်နင်းပြီး ဆေးရုံကို ထွက်လာခဲ့ တာပေါ့..။ ညာလက်က ပါးကဒါဏ်ရာက
ိုအုပ်ကိုင်ထား၇င်းဘယ်လက်က လက်ကိုင်ကိုကိုင်ပြီးစက်ဘီးနင်းတယ်..။
ဆေးရုံက မြို့ အနောက်ဘက်အစွန်မှာဆိုတော့ မိုင်ဝက်လောက်နီးပါးရှိမလားမသိဘူး။
လမ်းမှာ လှည်းမောင်းလာတဲ့ လှည်းသမားတွေက သွေးတွေနဲ့ စက်ဘီးနင်းလာတဲ့ ကလေးဆိုတော့ မေးတာပေါ့..
ဘာဖြစ်တာလဲ..မိဘတွေမပါဘူးလားပေါ့..။
မေးသမျှဖြေနေရတာပါဘဲ..။ သူတို့ ရဲ့ ကြင်နာမှုလေးကို ကျနော် မမေ့ပါဘူး..။ လယ်သမားတွေဆိုပေမယ့်
မေးနေတဲ့ သူတို့ အသံတွေထဲမှာ ကြင်နာမှုတွေပါတယ်..။
နောက်မှ ဆေးရုံရောက်ပြီးမှ အပါနဲ့ မာမီ ရောက်လာတယ်...။
အညာနွေကပူတာနဲ့  ထွက်လိုက်တဲ့ သွေးတွေ..။
ဆရာဝန်ကြီးက ဂရုစိုက်ပါတယ်..နာမည်က ဦးအောင်ထွဋ်ပါ..။ ကျနော့်ကို ကူညီပေးတဲ့ ဆေးရုံအကူ
အဒေါ်ကြီးက ဒေါ်ညိုတဲ့ .။
ဆေးရုံမှာက ထုံဆေးရော မေ့ဆေးရော လုံးဝမရှိချိန်ဖြစ်နေပါတယ်..။
နောက်ဆုံးဆရာဝန်က ကျနော့်ကို မေးပါတယ်။။
“ သား...ဘာဆေးမှမသုံးဘဲ အစိမ်းချူပ်တာ ခံနိုင်မလားတဲ့ ..ရွှေဘို ဆေးရုံက ဝေးတယ်..ဟိုမှာတော့
ဆေးစုံပါတယ်တဲ့ ..
ဒါပေမယ့် သွေးထွက်များနေတယ်..၁၀မိုင်ကျော်ခရီးကို သားသွားမယ်ဆို မကောင်းဘူးတဲ့”
တစ်ကယ်လို့ သာ အရှန်နည်းနည်းပြင်းမယ်ဆိုရင် နားထင်က တစ်ဆင့် ဦးခေါင်းခွံကို ထိုးဖောက်လို့ 
ကပ်ကြေးဖျားသာ ဦးနှောက်ထဲ ၀င်ခဲ့ မယ်ဆိုရင်...သားအခုဆို အသက်တောင် မရှင်နိုင်တော့ဘူးတဲ့ ”
ကျနော်မှတ်မိသလောက် ပြန်တွေးပြီးရေးတာပါ..။
နောက်ဆရာမတွေနဲ့ သူ အင်္ဂလိပ်လို အကြာကြီးပြောနေပြီး အစိမ်းချုပ် ချုပ်ဘို့ စတင်တော့တာပါဘဲ။
(၇)ချက်ချုပ်ရတယ်..နာတယ်..။ ဒေါ်ညိုက မျက်လုံ့းကို မမြင်၇အောင် လက်ဝါးနဲ့ ကာပေးထားတယ်..။
ကျနော်က မသိမသာလေး ချောင်းကြည့်၇င် အပ်ကောက်ကြီးက မျက်လုံးနားဝဲ၀ဲလာမှ မျက်စေ့ကိုမှိတ်ထား
လိုက်တာ။
ဆရာဝန်ကြီးက ချုပ်နေရင်းနဲ့ နောက်မျ ရောက်လာတဲ့ ဆရာမကို ဘီရိုထဲက အာတာပူစီမုန့် ယူလာခိုင်းပြီး
ကျနော့်ကို ကျွေးတယ်..။ ပန်းရောင်လေး.. စားလဲစား ချုပ်လည်းအချုပ်ခံပေါ့..။
အခုထိ ကျနော့်ပါးမှာ ကပ်ကြေးထိုးမိတဲ့ ဒါဏ်၇ာက မပျောက်ပါဘူး..။ရေးရေးလေးရှိသေးတယ်..။
ဒါပေမယ့် ကျနော့်နှလုံးသားထဲမှာတော့ ပါးက အမာရွတ်ထက် ပိုပြီးအရာထင်ခဲ့ တဲ့ အမာရွတ် ကျန်နေဆဲပါဘဲ..။
ကျနော်ကလေးပါ...ကလေးတိုင်းဆော့တတ်ပါတယ်..
မိဘတိုင်းကလဲ သားသမီးတွေအတွက် စိတ်ပူမယ်ဆိုတာ နားလည်ပါတယ်..။
ဒါပေမယ့်......
ငယ်ကတည်းက တစ်ကြောင်းဆွဲမျဉ်းရဲ့ ရင်ထဲမှာ နာခဲ့ ရပါတယ်..။
သေခြင်းတရားက အဲဒီအချိန်ကတည်းက ကျနော့်ကို နားရွက်လေးတောက်သွားတယ်..။

ဆက်လက်ရေးပါဦးမယ်...
သစ်နက်ဆူး
(ကလေးဓါတ်ပုံလေးကို Google မှ ယူသုံးထားပါတယ်)

Saturday, January 1, 2011

တစ်ကြောင်းဆွဲမျဉ်းရဲ့ ခရီး



စာမရေးဖြစ်ခဲ့ တာ တော်တော်ကို ကြာနေခဲ့ ပြီ။ ကြားထဲမှာ ကြိုးကြားရေးနေသော်လည်း ကိုယ်တိုင်စိတ်တိုင်းမကျသော
ဝတ်ကျေတန်းကျေ သဘောလေးတွေပါဘဲ..။ သူများစာတွေကိုတော့ မက်မက်မောမောဖတ်နေခဲ့ ပေမယ့် ကိုယ်တိုင်က မရေးချင်။
ဒါပေမယ့်တခုခုကိုတော့ ရေးချင်နေခဲ့ သည်..။ ဒါကြောင့်လည်း တစ်ကြောင်းဆွဲမျဉ်းဆိုတဲ့ ခေါင်းစဉ်လေးကို ရွေးချယ်ခဲ့ ပြီ.။
တစ်ကြောင်းဆွဲမျဉ်းဆိုတာ ပန်းချီသဘောအရ
စမှတ်တခုကနေ စတင်ဆွဲလိုက်သော ...ကိုယ်ဆုးံချင်သည့်အခါ အဆုံးသတ်နိုင်သော မျဉ်း.။
ဖြောင့်ချင်ဖြောင့်မည်...ကောက်ချင် ကောက်မည်...။ တနေရာထဲ မပြီးနိုင်အောင် ရစ်ချင် ရစ်နေဦးမည်..။ ဒါက....
လူတစ်ယောက်က ရေးသားစရာ ဥပမာ စက္ကူတစ်ရွက်ပေါ်မှာ ရေးသော မျဉ်း...တစ်ကြောင်းဆွဲမျဉ်းပင်..။
လူတစ်ယောက် ..သို့ မဟုတ် သတ္တ၀ါတစ်ကောင်၏ ဘ၀ကို
စမှတ်တစ်နေ၇ာမှ စတင်ရေးဆွဲလိုက်သည် ဆိုပါစို့ ..။
စက္ကူပေါ်မှာ မဟုတ်..သံသရာ ပေါ်မှာ..။ သို့ ဆိုလျှင် မျဉ်းတစ်ကြောင်း၏ သဘောအရ
ကောက်ချင်ကောက်မည် ၊ ဖြောင့်ချင် ဖြောင့်မည်..
ရှုပ်ထွေးနက်နဲသော ခက်ခဲသော မျဉ်းတစ်ကြောင်း၏
စမှတ်ကို မည်သူစတင်ရေးဆွဲတာလဲ..။
ဘယ်အချိန်မှာ အဆုံးသတ်မှာလဲ။
မျဉ်းတစ်ကြောင်း၏ဖြစ်စဉ်သည်...နည်းနည်းတော့ စဉ်းစားလာ၇ပေပြီ..။
ကိုယ်သည် မျဉ်းတစ်ကြောင်းဆိုပါဆို့ ..။
ကိုယ်သည် သံသရာ ပေရွက်ပေါ်ဝယ် ဘယ်နှစ်ကြိမ် ဘယ်နှစ်ခါများ တစ်ကြောင်းဆွဲမျဉ်းတကြောင်းအဖြစ်
စ လိုက် ဆုံးလိုက် ဖြစ်ခဲ့ ပါသလဲ..။
့ မျဉ်းတစ်ကြောင်းအဖြစ် ဘယ်နှစ်ကြိမ် ဘယ်နှစ်ခါ စလိုက်ဆုံးလိုက် ဖြစ်ခဲ့ တာကို
ကိုယ်တိုင် မသိပေမယ့်ကြိုးကိုင်ချယ်လှယ်မှုတခုနှင့် ကိုယ့်ကို မျဉ်းတစ်ကြောင်းအဖြစ် ၀င်စားစြေ့ပီး
ရှုပ်ထွေး ပင်ပန်းဆင်းရဲစေသော
ခြယ်လှယ်သူကိုတော့ ကိုယ် သိနေပြီ..။
ကိုယ့်ရဲ့ စမှတ်ကလေးကို ပြန်ကြည့်...ကိုယ် တစ်ကြောင်းဆွဲမျဉ်းအဖြစ် ဖြတ်သန်းခဲ့ ၇တာတွေကို
သုံးသပ်ခြင်း မျက်လုံးများနဲ့ ပြန်ကြည့်မိတဲ့ အခါ....................
..............................................
..............................................။
ဘ၀..
မေတ္တာတရား
သံယောဇဉ်
သေခြင်းတရား
ထူးဆန်းသော အကြောင်းအရာ
နာမ်လောက
မမြင်နိုင်သော ဆက်သွယ်မှုများ
နားမလည်နိုင်သော ဖြစ်စဉ်များ
ဆရာသခင်များ...
........
အကြောင်းအရာပေါင်းသိပ်မများပေမယ့် အဖြစ်အပျက်ပေါင်းများစွာကို ကြုံတွေ့ ရတာတွေ မြင်လာမိသည်..။
တစ်ကြောင်းဆွဲမျဉ်း ကိုယ်သည် ဘာမျှ မခမ်းနား မကြီးကျယ်..
သို့ သော် ကိုယ့်ဒိုင်ယာရီလေးတခုတော့ ဖြစ်နေလိမ့် မည်.....
ဒိုင်ယာယီလေးကို ကိုယ်ရေးပါမည်...
မည်သူတဦးတယောက်မျှ ၀င်ရောက်စွတ်ဖက်ပိုင်ခွင့်မရှိသော ဒိုင်ယာယီ မဟုတ်ပါ...
မည်သူမဆို နွေးထွေးစွာ အကြံပေးနိုင် ဝေဖန်ပေးနိုင်သော အကူအညီိပေးနိုင်သော ဒိုင်ယာယီ(သို့ မဟုတ်)
တစ်ကြောင်းဆွဲမျဉ်း၏ ခရီး
(သို့ မဟုတ်) တစ်ကြောင်းဆွဲမျဉ်း၏ ပုစ္ဆာသာဖြစ်ပါသည်..။

ဆက်လက်ရေးသားပါဦးမည်..။
သစ်နက်ဆူး